Aqyar civarında bir künde eki zelzele qayd etildi, dep bildire Rusiyeniñ Vernadskiy adına KFU seysmologiya ve geodinamika institutı ve Avropa seysmologiya merkezi.
3 ball magnitudasındaki birinci zelzele Aqyardan 30 kilometr uzaqlığında 35 kilometr terenlikte keçken gece saat 20:46 qayd etildi.
Armannıñ 26-nda daa bir 3,1 magnitudalı zelzele qayd etildi. O, Fiolent burnundan 15 kilometr mesafesinde saat 2:19 oldı.
Keçken sefer, Armannı 17-nde, 3,4 magnitudalı zelzele Aqyardan 50 km mesafede qayd etilgen edi.
Yaznıñ başından berli Aqyar ve Qırım akvatoriyasında 20-ge yaqın zelzele qayd etildi.