Aqyar civarında suv üstü pilotsız uçaq qayd etilgen, suv naqliyatınıñ areketi sıñırlanğan. Bunı Aqyarnıñ Rusiye yolbaşçısı Mihail Razvojayev bildirdi.
Onıñ sözlerine, al-azırda deñiz dronı areket etmekni devam ete
"Mahsus hızmetler Balıqlavadan plâjlarğa ve akis yönelişte areketni sıñırlamağa qarar aldılar. Tahminen saat 13-ten areket sıñırlavı lâğu etilecek", - dep bildirdi o.
Dronnıñ kimge ait olmasını Razvojayev aytmadı.
Ukrayina quvet hızmetleri Rusiyege qarşı ve işğal altındaki Qırımda ücümlerni çoq izaatlamay. 2023 senesi mayıs ayında Ukrayina telükesizlik hızmetiniñ yolbaşçısı Vasıl Malük Ukrayina telükesizlik hızmeti işğal etilgen Qırımda Rusiye flotunıñ gemilerine deñiz dronlarınen ücüm etkenini aydınlattı.
Ukrayina Cenübi mudafaa quvetleriniñ birleşken koordinatsion matbuat merkeziniñ matbuat kâtibi Natalâ Ğumenük Azatlıq Radiosınıñ yayınında Novorossiysk yanında patlavlar Rusiyeniñ provokatsiyaları ola bile, dep tahmin etti.
Rusiye kütleviy haber vastaları Rusiye Mudafaa nazirliginiñ malümatına esaslanıp, avgustnıñ 4-nde saba Krasnodar ülkesinde, Novorossiysk rayonında, «Rusiye gemileri eki ukrayin ekipajsız katerniñ arbiy-deñiz bazasına qarşı yapqan ücümini keri qaytardı», dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
