Duvanköy civarındaki Belbek özeni üzerinde Rusiye arbiyleri Aqyarnı tatlı suvnen temin etmek içün suv aluv yapısını quralar. Aqyarnıñ Rusiye başlıqları, gidrotehnik inşaatı fevralnıñ soñunace azır olacaq dep, defalarca bildirgen edi.
Yanvarnıñ 21-nde yarımadağa kelgen Rusiye Mudafaa naziriniñ muavini Timur İvanov, suv aluv yapısınıñ 80 faizi azır dep, haber etti. Rusiye Mudafaa nazrilginiñ malümatına köre, suv ağınıñ semereligi kunbde 59 biñ metr kub olacaq.
Fevralnıñ 18-nde Belbek suvunı yañı yataqqa yiberdiler. Fevralnıñ 19-nda qurucılar borunı Dnipro suv ağına oyıp qoştılar. Andan suv şeer suv ağlarına aqacaq.
2020 senesi Aqyarda suv teminatı vaziyeti fenalaştı. Qırım alimleri, az yağanaqlar ve qarsız qış qurğaqlıq sebebi oldı, dei iddia eteler.
BMT-nıñ Ukranadaki missiyası, haqara uquqqa köre Qırım ealisiniñ suv ile temin etmek içün bütün mesüliet Rusiyededir, dep iddia ete.
Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.
Resmiy Kyiv, suv yarımadağa tek Qıırm işğalden azat etilgen soñ berilecek, dey.
Aqyar: Belbek özeni üzerinde suv aluv yapısınıñ quruluvı (fotogalereya)

1
Suv aluv yapısı meydanında qurucılıq işleri

2
Suv arıtıluvı içün suv boruları meydanı

3
Kamışlov deresininiñ eki tarafını birleştirgen Demiryol köprü. Suv aluv yapısınıñ yanında yerleşe.

4
Yoldan kiriş yeri, Ekinci cian cenki zamanından qalğan şlagbaum DOT №5 yanında yerleşken

5
Qurucılıq vagonçıqlar

6
«Rusiye Federatsiyası Mudafaa nazirligi» bаnnerinen vagonçıq

7

8
Suv aluv yapısı yanında qurucılıq şeeri

9
Gidrosürgü suv keçirüv penceresi yanında adamlar

10
Belbek özeni suv aluv yapısı meydanı yanında

11
Muvaqqat bent

12
Suv toplamaq içün qoşma boru

13
Eki qatlı bina. Ögde suvnıñ arıtıluvı içün betonda yapılğan toplav rezervuar

14
Bütün meydan tikenli tel ile beton qoranen qoralanacaq

15
Memuriy-turmış korpusı

16
Reklama dirijabli bugün yerde yata

17

18
Suv anarından suvnı alacaq ve Dnipro suv borusına tulumbalacaq ekinci köterüv tulumba stantsiyası

19
Qurucılıq meydanında işler devam ete
Facebook Forum