Aqyar hazine idaresi şeerniñ bücet işhanelerine ruble birleminde olğan aylıqlarnı yollamağa başladı. Muammelerni Qırımda işni alıp barmaq içün litsenziyası olğan eki yerli bank amelge keçirecek. Bunı İTAR-TASS bildirdi.
Aqyar devlet memuriyetiniñ reis muavi Elimdar Ahtemovnıñ aytqanına köre, bücet müessiselerniñ hadimleri öz aylıqlarını işhaneleriniñ kassalarında alacaqlar.
«İnsanlar saqınmasın, aqça PrivatBanktan berilmeycek, – dedi o. – Şimdi bizde eki vekâletli bank bar – ÇBRR ve Deñiz bankı. Bücet müessiselerine ödevlerini olarnıñ yardımınen keçirecekmiz».
O şunı da qayd etti ki, Aqyarda olğan Sberbank ve VTB ukrain bölükleri Rusiye territoriyasında qaydından daa keçmediler.
Yerli akimiyet insanlarğa aylıqlarnı bergan soñ, ticaret ağlarında rusiye rubleleriniñ zaruriy miqdarı olacağına ümüt ete. Al-azırda ise Aqyarnıñ tükân, restoran ve diger ticaret merkezlerinde insanlardan rublelerni qabul eteler, amma qaytımnı grivnanen bereler.
Aqyar devlet memuriyetiniñ reis muavi Elimdar Ahtemovnıñ aytqanına köre, bücet müessiselerniñ hadimleri öz aylıqlarını işhaneleriniñ kassalarında alacaqlar.
«İnsanlar saqınmasın, aqça PrivatBanktan berilmeycek, – dedi o. – Şimdi bizde eki vekâletli bank bar – ÇBRR ve Deñiz bankı. Bücet müessiselerine ödevlerini olarnıñ yardımınen keçirecekmiz».
O şunı da qayd etti ki, Aqyarda olğan Sberbank ve VTB ukrain bölükleri Rusiye territoriyasında qaydından daa keçmediler.
Yerli akimiyet insanlarğa aylıqlarnı bergan soñ, ticaret ağlarında rusiye rubleleriniñ zaruriy miqdarı olacağına ümüt ete. Al-azırda ise Aqyarnıñ tükân, restoran ve diger ticaret merkezlerinde insanlardan rublelerni qabul eteler, amma qaytımnı grivnanen bereler.
