Aqyarda iyünniñ 15-ne keçer gecesi yağğan yağmurlar sebebinden soqaqlar elektriksiz qaldı. Bu aqta Aqyarnıñ Rusiye yolbaşçısı Mihail Razvojev Telegram kanalında yazdı.
«6-10 kV 2 elektrik hattı söndürildi, Mayakovskiy, General Petrov, Senâvin, B.Morskaya, Nahimov, Gogol, Yaltinskaya, Akademik Krılov, Qırımnıñ Cenübiy yalısınıñ Aqyar alanı, Sarıç burnu elektriksiz qaldı», – dep bildirdi Razvojayev.
İyünniñ 15-nde gece Qırım ve Aqyarda yağmurlar yağdı ve furtuna yeli başladı, şu sebepten bir qaç mesken yerde elektrik energiyası kesildi, dep haber ete Rusiye ve Qırım kütleviy haber vastaları ve Rusiye akimiyeti.
Bundan evel yarımadada Rusiyeniñ Fevqulâde vaziyetler nazirliginiñ idaresi Qırımda iyünniñ 15-nde 16-nda boranlı yağmur, burçaq ve saniyede 20 metr süratlı furtuna yeli sebebinden furtuna havfı ilân etildi, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
