Aqyarnıñ merkeziy qısmındaki Streletskaya körfezinde saba saat 11:40-ta atıcı silâdan atış başlandı, dep haber ete Qırım.Aqiqat mühbiri.
Atış birden başlandı, ara-sıra oldı. Streletskaya körfezi yalısında yalı qaravulını temin etken bir qaç Rusiye arbiy bölügi bar edi. Körfezde arbiy gemi yerleri bar.
Bundan evel körfezde Rusiye arbiyleri faal oldı, gemi generatorınıñ iş sesleri eşitildi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
