Link açıqlığı

Saatnıñ esas haberi

Aqyar akimiyeti, şeerde koronavirus tarqaluvı yavaşladı, dep bildire


Aqyarda koronavirus daa yavaş tarqala. Bu aqta Kreml kontrolindeki Aqyar valisiniñ muavini Aleksandr Kulagin şeerniñ Rusiye ükümetiniñ apparat toplaşuvında haber etti.

«Bir afta içinde ekidemik vaziyetni belgilegen bütün raqamlar eyileşti», – dedi Kulagin.

Onıñ aytqanına köre, bir aftada 591 koronavirus hastası qayd etildi, bir afta evelsi 669 hasta qayd etilgen edi. 190 pnevmoniya qayd etildi, bir afta evelsi 230 hasta bar edi. Bugünki künde 65 yaştan bütün 297 insan hastahanelerde buluna. Keçken afta olarnıñ sayısı 384 edi.

«Hastahanelerniñ intensiv tedaviy bölüklerinde 33 insan buluna, 4-ü aqcigerlerni suniy avalandıruv cihazına bağlı», – dep qoştı Kulagin.

Berilgen malümatqa köre, Aqyarda 5 941 şeer sakini koronavirusqa qarşı Rusiye aşısını aldı.

Hatırlatamız, Aqyarda fevralniñ 15-nde saba 80 yañı COVID-19 hastası qayd etildi, 71 yaştan 92 yaşqa qadar dört hasta vefat etti.

Fevralniñ 8-nde Aqyarnıñ Rusiye ükümeti ealini kütleviy şekilde aşılamağa başladı, şeerde koronavirus yuqunçına qarşı aşı olmaq içün beş biñ insan yazıldı, dep bildirdi.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG