Rusiye nezaretindeki Aqyar gubernatorı Mihail Razvojayev, akimiyet telükeli bozuq evlerden köçtürüv programmasını tam şekilde ayatqa keçirip olamağanını itiraf etti. Sebebi - programmadaki ev fiyatlarınıñ bazar fiyatına uymamazlığı, dep ayttı.
"Programmağa köre, kvadrat metrniñ fiyatı 62 biñ rubledir - bu kerçek bazar fiyatından azca ve neticede şeer meskenni alıp olamadı. Bazarda öyle teklifler olmadı", - dep añlattı Razvojayev.
O, kvadrat metrniñ fiyatınıñ belgilemesi usuliyetine denişmeler kirsetilgenini ayttı. Şimdi onı bazar fiyatına yaqınlaştırıp, kvadrat metr içün 75 biñ ruble yaptılar, dekabrniñ `13-ünde ise 11 kvartiranıñ alınmasına konkurs ilân etildi.
