Kreml nezaretindeki Aqyar (Sevastopol) akimiyeti, şeerde üç yañı hastahaneni qurmağa, ve temin eticisi "Rosteh" Rusiye devlet korporatsiyası olsun dep, qomşu Rusiyeniñ prezidenti Vladimir Putinge muracaat eteler.
Bu hususta şeerniñ rusiyeli gubernatorı Dmitriy Ovsânnikovğa esaslanıp, Aqyar ükümetiniñ matbuat hızmeti yazmaqta.
"Soñki altı konkursta onkologik dispanser icün temin etici belgilenmegenini er kes hatırlay. "Rosteh" şirketi temin etici kibi saylanacağında eminim. Böyle qarar alınmasa, biz devlet satın almaları aqqında qanunğa köre işimizni tutacaqmız", - dedi Ovsânnikov.
O, Aqyarda üç hastahaneniñ qurulışı aqqında mesele iyülniñ 5-inde de - Rusiye vitse premyeri Dmitriy Kozaknıñ yarımada ziyareti vaqtında - muzakere etilecegini, qoştı.
"İyül başında "Acele tibbiy yardım" hastahanesi leyhasınıñ ekspertizası yekünlenecek. Anda tereklerniñ pıçma zaruriyetinen bağlı bir qaç qıyınlıq peyda oldı, amma şeerniñ kelişken başqa meydançığı yoq. Bu meydançıq daa 2014 senesi belgilengen edi", - dedi Aqyar başı.
