Cumaaqşamı künü Aqmescitten Sankt-Peterburg Rusiye şeerine çıqqan uçaq, yöneliş bericilerinde biz bozuqlıq peyda olğanı içün, ava limanına qaytmağa mecbur oldı. Bu aqta ava limanınıñ matbuatına esaslanıp Rusiye matbuatı bildirmekte.
"Uçaq bir qaç daqqa evel qondı, er şey yolunda. Ekipajnıñ aytqanına köre, yöneliş bericilerniñ açmasınen bağlı bir qıyınlıq oldı", - dep yaza ava limanı hadiminiñ sözlerine esaslanıp TASS haber agentligi.
Onıñ aytqanına köre, yolcular ava limanındalar, olarnı Aqmescitten başqa uçaqnen yollamaq meselesi çezile.
Aqmescit ava limanınıñ saytında şimdilik bu aqta malümat yoq.
