Lobanovo köyündeki caminiñ sabıq imamı Remzi Kurtnezerov ev apsine alındı. "Qırım birdemligi" qayd ete ki, Kurtnezirov üç kere insult oldı, şeker hastalığı da bar.
Diger mabüs Ali Mamutovnı Rusiye mahkemesi mayısnıñ 4-ne qadar SİZO-ğa yolladı.
''Bir sıra hastalıqları olğanına dair tibbiy vesiqalarnı da ketirdik. Amma mahkeme bu vaziyetni köz ögüne almadı", – dedi advokat Safiye Şabanova.
Martnıñ 5-nde saba Qırımda qırımtatarlarnıñ evlerinde kütleviy tintüvler keçirildi. Bağçasarayda taqiqat tedbirleri "Qırım birdemliginiñ" faalleri, Canköy rayonında ise diniy erbaplar tarafından keçirildi. Umumen 10 qırımtatarınıñ evinde tintüvler keçirildi.
Neticede Rusiye kontrolindeki Aqmescitniñ Kiyev rayon mahkemesi qırımtatar faalleri ve vatandaş jurnalistleri Memet Lümanov, Aziz Azizov, Rustem Osmanov ve Mustafa Abduramanovnı 2024 senesi mayısnıñ 4-ne qadar 2-nci SİZOğa yolladı.
"QırımSOS" bildirgeni kibi, tintüvler dalğası işğalniñ 10 yılı içinde üçünci oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
