Bu aqta «Qırım birdemligine» advokat Emil Kurbedinov bildirdi.
Episi Aqmescitteki SİZO-2-de buluna ve avgustnıñ 3-ne qadar apiske alındı.
Siyasiy mabüslerniñ soy-sopları mahkeme oturışuvına kirmek içün muracaat etti, advokatlar teşebbüslerine qoltuttı. Lâkin qadı Yekaterina Çumaçenko olarnı red etip, «terror telükesi bar olğanından» oturışuv qapalı keçe, dep ayttı.
İmaye tarafı sıñırlav tedbirini ev apsine deñiştirmege rica etti, lâkin mahkeme qabaatlav delillerine esaslanıp, olarnı red etti. FSB tahqiqatçıları «qırımtatarlar tahqiqattan saqlana, şaatlarğa tesir ete ya da delillerni yoq ete bile», dep bildirdi.
«Aslında FSB mabüsler saqlana ya da şaatlarğa tesir ete bile dep qorqmay. SİZOda tutuv – bir basqı vastası, özüne ve dindaşlarına iftira atmağanları içün. Qabaatlavnıñ kerçek maqsadı bu», – dep tarif etti advokat Kurbedinov.
Mahkeme vaqtında Kurbedinov müvekkili Arsen Kaşkanen laf etip oldı. O, SİZOda eki kere esini coydı, dep bildirdi.
«Onı tahqiqat izolâtorında körgende daa tafsilâtlı malümat bere bilirim», – dedi advokat.
Martnıñ 5-nde saba Qırımda qırımtatarlarnıñ evlerinde kütleviy tintüvler oldı. Bağçasarayda tahqiqat tedbirleri «Qırım birdemligi» faalleriniñ evlerinde, Canköy rayonında ise din adamlarınıñ evlerinde keçirildi. Tintüvler 10 qırımtatarınıñ evinde yapıldı. Episi «terror teşkilâtında» iştirak etkeninde qabaatlandı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
