Kurbedinovnıñ apis cezası bitti. Faaller onı ava kürreleri ve ediyelernen qarşıladılar (video)
Qırımlı advokat Emil Kurbedinov dekabrniñ 11-nde memuriy apis cezasından soñ Aqmescitteki vaqtınca tutuv nezarethaneden çıqtı. Onlarnen faal onı qarşılamağa keldi. Qırım.Aqiqat mühbiriniñ bildirgenine köre, toplaşqanlar maşinalarda oturğan Ekstremizm ile küreş merkeziniñ hadimlerini körgenini aytalar. Kurbedinovnı 2013 senesi Facebookta paylaşqanları içün ekstremist teşkilâtlarnıñ işaretleri ya da timsalleriniñ teşviqatı ve açıq numayış etilmesi sebebinden apiske aldılar. Kurbedinovnıñ zenaatdaşları dey ki, onı Dimaşqqa köçken Qırım sakini şikâyet etti. Dekabrniñ 7-nde Kreml kontrolindeki Aqmescitniñ Kiyev rayon mahkemesi qırımlı advokat Emil Kurbedinovnı 5 künge tevqif etken edi.