2020 senesi yazda Aqmescitte Zenaat birliklerniñ medeniyet sarayı (DKP) ögündeki alannıñ rekonstrutsiyası başlandı. Qırımnıñ Rusiye yolbaşçısı Sergey Aksenov işlerniñ başında «tış hızmetçi keyfiyetsiz çalışa», dep qayd etken edi. Neticede 2020 senesi dekabr ayında bitecek işler tek 2021 senesi iyün ayında yekünlendi. Tış hızmetçi olğan «Stroitelnıye tehnologii» şirketiniñ müdirine qarşı cinaiy dava açıldı. Bu obyektniñ añlaşma fiyatı 209 million ruble oldı. DKP ögünde «abadanlaştırılğan» alan eki yıl keçken soñ ne alda? Qırım.Aqiqatnıñ fotoresimlerinde baqıñız.
Aqmescitteki DKP ögünde meydan – vandallarnıñ qurbanı (fotoresimler)
1
Malümat levhası bu yer 2020 senesi abadanlaştırıldı, dep yalan ayta
2
2021 senesi DKP ögünde açılğan çeşmeler şimdi çalışmay
3
Çeşme suvları yeşillendi ve sivriseneklerniñ yeri oldı
4
Çeşmelerge ketken merdivenlerniñ taşçıqları o qadar ince ki, bir çoq yerde endi patlağan
5
Park tarafından DKPge doğru ketken merdivenler
6
Abadanlaştırılğan yerde ayaqyol öyle de çalışmay
7
Çeşmelerden parkqa ketken alleyada ösken ot yol boyu ösken çalılarnı qapattı
8
Malzemeler o qadar keyfiyetsiz ki, bir çoq yerde endi töküle
9
DKP ögünde abadanlaştırılğan yerde qoyulğan çöplük qutuları yerli vandallarğa keder etedir
10
Çöplük qutularını taşnen beraber çıqarmaq yerli vandallarnıñ sevimli işidir
11
Yerli vandallarğa çöplük qutuları kerekmer, çünki çöplükni oturğan yerde taşlaylar
12
Skemlelerni de qırıp çıqaralar
13
Basketbol meydançığı pek keyfiyetsiz, bir yılda kelgen alı bu, basketbol sepetlerini yerli vandallar çoqtan bozdı
14
Salıncaqlardan biri endi çalışmay, oturacaq yer qalmadı