Aqmescitte yaqın saatlarda sağanaqnen boranlı yağmur, burçaq yağacaq ve saniyede 20-25 metr süratlı yel esecek. Bu aqta Rusiye Fevqulâde vaziyetler nazirligi Qırım idaresiniñ matbuat hızmeti bildire.
Qayd etilgenine köre, yaramay ava Aqmescitte iyülniñ 16-nda künniñ soñuna qadar devam etecek.
Müessise suv basuv aqqında tenbilep, mağazlarda ventilâtsiyanı qapatmağa, andan mallarnı çıqarmağa, ayvan ve quşlarnı suv basqan yerlerden telükesiz yerlerge çıqarmağa, em de tahliye vaziyetinde kerek olacaq vesiqa, şahsiy eşya ve mülk cedvelini tizmege tevsiye ete.
Keçken afta Aqmescit ve Kezlevde sağanaqlar yağğan edi. Aqmeçit rayonında qasırğa yeli yerli kemping evçiklerini bozdı. Yağmurlar Keriçteki köyündeki yollarnı yuvıp ketti.
