Aqyarda noyabrniñ 24-nden başlap Kotsübinskiy soqağında tamir işleri keçirile, Kiyevskaya soqağı tarafından yol signal tumbalarınen blok etildi.
Qırım.Aqiqat mühbiri bildirgenine köre, işler künniñ birinci yarısında yağğan yağmur vaqtında da toqtatılmadı. İşçiler yolnı kenişletti, yañı bördürler qoyulğanı içün Kuybışev meydanındaki ve qomşu soqaqlardaki cemaat naqliyatınıñ tıqanıqlıqları peyda oldı.
Obyektniñ pasportında Kotsübinskiy soqağındaki yol işleri aynıñ soñuna qadar bitmeli, dep qayd etildi.
Bir qaç yıldan berli Aqmescitte yılnıñ soñki ayları yol işleri keçirile: tış hızmetçiler Rusiye federal programmalarınıñ müddetlerine riayet etmege tırışa.
Qırımnıñ Rusiye yolbaşçısı Sergey Aksenovnıñ bildirgenine köre, eñ yaqın vaqıtta Qırımda yol tamirine 10,5 mlrd ruble berüv qararı qabul etilecek.
