Şeerliler, Aqmescitte patlavğa oşağan daa bir gürülti eşitildi, dep Qırım.Aqiqatqa bildirdi.
Yerli sakinler ikâye etkeni kibi, bu gürülti, ondan evel olğan seske köre, daa küçlü edi. Şeerliler, maşnalarnıñ signalizatsiyaları çalıp başlağanını ve kökte iz körüngenini bildirdi.
“Başıñnıñ töpesinde böyle gürülti eşitilse, kerçekten qorqunçlı ola. Özüm evde olsam da”, - dedi Qırım.Aqiqatqa Aqmescit sakini.
Daa evel martnıñ 19-ında Aqmescit sakinleri patlavğa oşağan gürülti eşitken, ondan soñ kökte beyaz iz körünip başlağan, dep bildirilgen edi.
İştimaiy ağlar qullanıcıları ve Rusiye matbuatı, sesniñ sebebi - uçaq ses baryerini ozğanı oldı dep tüşüne.
Daa evel Qırım sakini, sabıq arbiy adam salı künü kündüz Aqmescit üzerinde eşitilgen gürültiniñ sebebini Qırım.Aqiqatqa añlattı. Onıñ fikrince, bu - reaktiv uçaqnıñ ses baryerini ozğanı edi. O ikâye etip berdi ki, kökte büyük yükseklikte uçaq ve onıñ açıq-aydın körüngen izi bar edi. Uçaq Bavurçı (Kamenka) töpesinde aylanıp, aynı yolnen Sarabuz (Gvardeyskoye) tarafına uçqan.
