Aqmescit tarafına doğru qırqqa yaqın yük maşinasından ibaret arbiy tehnikanıñ büyük kolonnası keçe. Bu aqta Qırım.Aqiqat mühbiri bildire.
Berilgen malümatqa köre, tehnika Kefe-Aqmescit yolundan keçe.. Kolonnada onlarnen yük maşinası, eki «Tigr» zırhlı taşıyıcısı ve bir zırhlı taşıyıcı bar. Arbiy avtoinspektsiya kolonnanıñ areket etkenini közete.
Rusiye Mudafaa nazirligi arbiy tehnikanıñ areketleri nenen bağlı olğanını aydınlatmay.
2014 senesi Qırım işğalinden soñ Rusiye yarımadada arbiy talimlerni muntazam sürette keçire. Ukraina Baş ştabı Rusiye arbiyleriniñ Qırımda yapqanlarını qanunsız dep adlandıra.
2018 senesi mayısta Aqmescit yaqınlarında bozulğan zırhlı taşıyıcını tartqan Rusiye arbiy zırhlı taşıyıcısı Yalta yolundaki çitniñ bir qaç on metrni kesip keçti.
