Faal Leyla Yaşlavskaya alâ daa Aqmescitniñ Kyiv rayon bölüginiñ polisinde buluna. Aynı zamanda faalniñ advokatını binağa yibermeyler.
berilgen melümatqa köre, faalni tutqan vaqıttan üç saat keçken. Polisniñ üyken leytenantı Sergey Minayev Yaşlavskayanı "polis aqqında qanunğa" esaslanıp tutqan. Polis bölügine kelgen advokat Hatice Mamutovanı binağa yibermeyler.
Aqmescitte, qırımtatar faali ve siyasetçi Nariman Celâlnıñ davası boyunca mahkeme oturışı başlamazdan evel, Rusiye polisiniñ hadimleri kelgen insanlarnı mahkeme binasına yibermeyip, olarnıñ pasport malümatını yazıp alalar. Aynı zamanda, polis hadimleri mahkeme binası yanında faal Leylâ Yaşlavskayanıtuttılar.
Biraz soñra, mahkeme outrışı qapalı şekilde keçirilecegi ilân etildi.
Oktâbrniñ 1-nde Rusiyeniñ nezaretinde olğan Qırım Yuqarı mahkemesi qırımtatar faali ve siyasetçi Nariman Celâlnıñ apiske alınmasına qarşı berilgen istinaf şikâyetini baqıp, tevqif müddetini bir künge qısqarttı. Böylece, faal SİZO-da noyabrniñ 3-nece bulunacaq.
