Yağmur o qadar küçlü edi ki, atta bazı çoq qatlı binalarnıñ yuqarı qatlarındaki avizeler sallanğan. Bunı Qırım.Aqiqatqa Kiyev rayonınıñ sakini Nikolay aytıp berdi.
Yaramay ava sebebinden terekler yıqıldı, hususan da yerli universitetniñ botanik bağçasında, şeerniñ alt rayonlarında balaban qaqlar peyda olğan.
Salğır özeniniñ yatağı aman-aman bütünley suv ile tolu, o şeer parkı rayonıda taşqan ve Gagarina adına parkınıñ territoriyasını basqan.
Apansızdan suvuq olğanı içün şeerde qızdıruv teminatı sistemasında qaza olğan.
Qırımda bir qaç künden berli yağmur yağa. Yaramay ava sebebinden onlarnen terek ve farqlı rayonlardaki evler zarar kördi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
