Aqmescitte "mahsus arbiy operatsiyanıñ" iştirakçisi olğan rusiye arbiyi resimli "vatanperver" divar resmine qırmız boya töktiler. Bunı Aqmescitniñ rusiye memuriyeti ve haber vastaları haber ete.
Şeerniñ rusiye akimiyeti adiseni "vatanperver resimni aramlav" adlandıralar. Haber etilgeni adise yerine rusiye quvetçileri kelgen.
Aqmescitniñ rusiye yolbaşçısı Mihail Afanastev telegram kanalında, "divar resimi asıl alına ketirilecek", dep bildirdi.
İşğal etilgen Qırım ve Aqyarda Rusiyeniñ Ukrayinağa istilâsına qarşı çıqqanlar taqip etilmege devam eteler. Fevralniñ 24-nden 107 qırımlı "rusiye ordusını itibardan tüşürüv" davalarınıñ mabüsleri oldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
