Qırımda Ukraina Pravoslav kilsesiniñ Qırım yeparhiyasınıñ arhiyepiskopı Kliment tutıp alındı, dep bildire qırımlı faal, «Milliy gazeta-mecmua neşriyatınıñ» müdiri Andrey Şçekun.
«Arhiyepiskop Klimentni tutıp, Aqmescit şeeriniñ Kiyev rayon politsiya bölügine alıp keteler. Bugün o, Rostov-na-Donuğa barıp, ukrainalı esir Pavlo Grıb ile körüşecek edi. Paylaşmañıznı ve Vladıkağa yardım etmeñizni rica etem!», – dep yazdı Şçekun Facebook saifesinde.
Onıñ aytqanına köre, arhiyepiskop Aqmescitniñ merkeziy avtovokzalında (Kiyevskaya soq., 4) avtobusta tutuldı.
Qırım.Aqiqat tafsilâtlı malümat almağa tırışa. Rusiye uquq qoruyıcıları arhiyepiskop Klimentniñ tutulmasına dair malümatnı izaatlamay.
Diger menbalarda papaznıñ tutuluvınen bağlı malümat yoq.
