Aqmescitte qırımtatarlar toplu yaşağan Borçoqraq (Fontanı) mikrorayonınıñ Emel soqağında tintüv keçirile. Bu aqta Qırım.Aqiqat mühbiri haber ete.
Tintüv qırımtatar qorantası (aile başı – Enver, ömür arqadaşı Seyrane ve balaları) yaşağan evde keçirile. Qomşuları qoranta yahşı olğanını ayta, yıllarnen biri-birini bileler.
Qomşularınıñ aytqanına köre, tintüv saba saat 6-larda başlap devam ete.
Rusiye uquq qoruyıcı hadimleriniñ izaatları daa yoq.
Qırım.Aqiqat tafsilâtlı malümat almağa tırışa.
İşğalden soñ Qırımdaki faktik Rusiye akimiyeti mustaqil jurnalistler, cemaat faalleri, Qırımtatar Milliy areketiniñ faalleri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtı ile alâqalı olğanlarından şübheli sayılğan Qırım musulmanlarınıñ evlerinde muntazam surette kütleviy tintüvler ötkere.
