Aqmescitte Kezlev yolunda araba patladı, Rusiye kütleviy haber vastalarınıñ malümatına köre, Rusiye tayin etken Zaporijjâ vilâyetiniñ işğal altındaki qısmınıñ baş nazir muavini Vladimir Yepifanovnıñ arabası patladı.
Adis saba 4-lerde oldı. Baza Telegram kanalınıñ malümatına köre, Rusiye memurından ğayrı, salonda daa eki kişi bar edi: kâtibi ve qaravulı. Üçüniñ de patlav sebebinden baş, beden ve qollarda 30 fayız yanığı oldı.
Qırımnıñ Rusiye yolbaşçısınıñ mesleatçısı Oleg Krüçkovnıñ malümatına köre, adise sebebi maşinada gaz ballonınıñ patlavı oldı. Onıñ aytqanına köre, yaralanğanlar Aqmescitniñ 6-ncı şeer hastahanesine alındı.
Bu malümatnı başqa menbalardan teşkermek imkânsız ola.
Zaporijjâ vilâyetiniñ bir qısmı Rusiye ordusı tarafından 2022 senesi Ukrayınanıñ tam silâlı istilâsı başlağanda zapt etildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
