Link açıqlığı

Saatnıñ esas haberi

Aqmescitte Rusiye quvetçileri qırımtatarınıñ evini tintip, onı alıp ketti – faal


Qırımdaki tintüvler (arhiv fotoresimi)
Qırımdaki tintüvler (arhiv fotoresimi)

Aqmescitte Rusiye quvetçileri aprelniñ 30-nda saba Aqmescit civarındaki Beki Eli (Jivopisnoye) köyünde evi teşkerilgen qırımtatar faali Dilâver Bekirovnıñ oğlu Ruslan Bekirovnıñ evini tintip, onı alıp ketti.

Bu aqta qırımtatar milliy areketiniñ faali Nariman Celâl Facebookta haber ete.

Bekirovnıñ tuvğanları bildirgenine köre, Rusiye İç işler nazirliginiñ hadimleri saba saat altıda, er kes yuqlağanda, keldi. Olar garajğa kirip, separatist lafları ile kâğıtlarnı tapqan eken. Soñra ev qapusını açtılar. Odalardan birinde içinde toz olğan şişe tapılğan eken.

Tintüvden soñ Ruslannı alıp ketkenler. Tuvğanları qayd alıp ketirilgenini bilmey.

Evi teşkerilgen soñ oğlunıñ yanına ketken Dilâver Bekirovnıñ aytqanına köre, oğlu siyasiy ya da cemaat faaliyetinen oğraşmağan edi.

Aprelniñ 30-nda saba Aqmescit civarında Rusiye quvetçileri qırımtatarlarnıñ evlerini tintti.

Berilgen malümatqa köre, quvetçiler Aqmescit rayonınıñ Çoyunçı (Urojaynoye) köyünde yaşağan qırımtatar faali Rolan Osmanovnıñ evine keldi. Bundan evel Osmanov Han sarayınıñ «restavratsiyasına» qarşı bir kişilik narazılıq aktsiyasına çıqqan edi. O, Qara deñizde Rusiye FSBsi tarafından tutulğan ukrainalı deñizcilerge qoltutmaq içün Aqmescitteki Rusiye mahkemesine de kelgen edi.

Osmanovnıñ evi baqılğan soñ onı tutıp almadılar. Quvetçiler narkotik qıdırğanlarını bildirdi.

Bundan ğayrı, Beki Eli (Jivopisnoye) köyünde qırımtatar faali Dilâver Bekirovnıñ evi baqıldı. Onı da tutmadılar. Quvetçiler faalge «operativ-qıdıruv tedbirleri» çerçivesinde kelgenlerini ayttı.

Rusiye quvetçileri bunıñnen bağlı açıq izaatlar bermey.

İşğalden soñ Qırımdaki faktik Rusiye akimiyeti mustaqil jurnalistler, vatandaş faalleri, Qırımtatar Milliy areketiniñ faalleri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtı ile alâqalı olğanlarından şübheli sayılğan Qırım musulmanlarınıñ evlerinde muntazam surette kütleviy tintüvler ötkere.

XS
SM
MD
LG