Aqmescitte Rusiye uquq qoruyıcıları musulmanlarnı cami ögünde cuma namazından soñ «teşkermek içün» tuta, dep haber ete oktâbrniñ 20-ndeZMINA insan aqları merkezi.
«Qanunsız «Rosgvardiya» ve «ekstremizm ile küreş merkeziniñ» uquq qoruyıcıları Aqmescit yaqınlarında camilerden birinde cuma namazından çıqqan insanlarnı teşkere. Bazılarından qalmağa rica eteler. Olarnıñ uquqiy statusı daa belli değil», – dep aytıla haberde.
Qırım aq qorçalayıcıları kütleviy teşkerüvlerni sebepsiz adlandırıp, rusiyeliler tarafından tutuvlarnı yerli vatandaşlarnıñ aq ve serbestligini bozuv dep saya. Olarnıñ fikirince, namazdan soñ insanlarnıñ taqip etilüvi diniy baqışlarından sebep tutuv ola.
Taşeva qayd etti ki, er afta, hususan, Rusiyeniñ Ukrayınağa qarşı büyük istilâsı başlağan soñ, Qırımda siyasiy mabüslerniñ sayısı arta. Onıñ aytqanına köre, bugün işğalci rejim eñ az 186 Ukrayına vatandaşını tuta, tahminen 123-ü – qırımtatarı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
