Rusiyeniñ nezareti astında olğan Aqmescitniñ Kiyev rayon mahkemesiniñ binası yanında keçende yaqalanğan qırımtatarlarnıñ mahkeme oturışına kelgen faallerni yaqalap başladılar. Bunıñ aqqında uquq qoruyıcı Lutfiye Zudiyeva haber etti.
Onıñ sözlerine köre, adamlarnı avtobusqa oturtqanlar ve Aqmescitteki Kiyev polis bölügine alıp ketkenler.
Şimdilik 23 kişi yaqalanğanı aqqında belli.
Avgustnıñ 24-nde Bağçasarayda ve Bağçasaray rayonında saat 4-te Rusiye quvetçileri qırımtatarlarnıñ Ruslan Asanov, Seydamet Mustafayev, Remzi Nemetulayev, Abdulmecit Seytumerov, Amethan Umerov ve Eldar Yakubovnıñ evlerinden tintüv keçirdi.
Berilgen malümatqa köre, Nimetulayev ve Asanovğa Rusiye Ceza qanunnamesiniñ 205.5 maddesiniñ birinci qısmına binaen (terrorristik teşkilâtnıñ faaliyetini teşkil etüv), Amethan Umerov ise Rusiye Ceza qanunnamesiniñ 205.5 maddesiniñ ekinci qısmına binaen (terroristik teşkilâtnıñ faaliyetinde iştirak etüv) qabaatlanğan.
Bugün Rusiye mahkeme daa üç faal Seydamet Mustafayev, Eldar Yakubov ve Abdulmecit Seytumerov içün sıñırlama tedbirini tayin etmek kerek.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
