Cumaertesi künü, fevralniñ 1-isinde Aqmescitte qırımtatar uçucısı, Sovet Birliginiñ eki kere Qaramanı, qırımtatar milliy areketiniñ faal iştirakçisi Amet-Han Sultannıñ hatrını sayacaqlar.
Şeerniñ rusiyeli memuriyeti bildirgeni kibi, matem tedbiri qaramannıñ adını taşığan meydanında hatıra tahtası yanında keçecek.
"Tantanalı çeçek qoyulacaq, bundan ğayrı icadiy taqımlarnıñ çıqışları olacaq. Sakinlerni ve musafirlerni bu merasimde iştirak etmege davet etemiz", - haber ettiler Aqmescit memuriyetinde.
Keçken yıl Kyivde Ebediy Şan-Şüret Parkında Amet-Han Sultannıñ abidesine çeçekler qoyuldı. Tedbirde Qırımtatar Milliy Meclisiniñ vekilleri, Ukraina devlet ve cemaat erbapları iştirak etti.
