Link açıqlığı

Saatnıñ esas haberi

Aqmescitte qırımtatar milliy areketiniñ veteranı Ali Kadırov ile vedalaştılar


Aqmescitte Ali Kadırov ile vedalaşuv, 2019 senesi fevralniñ 25-i
Aqmescitte Ali Kadırov ile vedalaşuv, 2019 senesi fevralniñ 25-i

Aqmescitte fevralniñ 25-nde qırımtatar milliy areketiniñ veteranı Ali Kadırovnıñ cenazesi qılındı, dep bildire «Qırım birdemligi» cemaat birleşmesi.

Kadırovnı soñki yolğa ozğarmaq içün Qırımnıñ farqlı köşelerinden yüzlernen insan keldi.

Qırımtatar Milliy Meclisiniñ reisi Refat Çubarov Kadırovnıñ vefat etüvinen bağlı taziyelerini bildirdi. Onıñ aytqanına köre, Ali Kadırov «sağlığını kimsege şikâyet etmedi, kimsege yük olmağa istemedi: ne tuvğanlarına, ne de ortaqlarına».

Çubarovnıñ qayd etkenine köre, Kadırovnıñ vefatı qırımtatar halqı içün ğayıp ola.

Kadırov ile vedalaşuv
Kadırov ile vedalaşuv

Fevralniñ 24-nde saba Qırımda qırımtatar halqınıñ faali Ali Kadırov vefat etti.

Dört yaşında olğanda qorantasınen beraber Qırımnıñ Qarasuvbazar rayonından sürgün etilgen edi. Kadırov «Qırım birdemligi» cemaat birleşmesiniñ toplaşuvlarında faal sürette iştirak etken edi.

XS
SM
MD
LG