N.A. Semaşkonıñ adına Aqmescit hastahanesinde qırımtatar milliy areketiniñ faali, qırımtatar Milliy Meclisniñ azası Ali Hamzin vefat etti.
Bunı Facebookta Meclis reisi Refat Çubarov bildirdi ve Meclisniñ adından taziyelerini bildirdi.
Hamzinniñ vefat etkeni aqqında malümatnı onıñ oğlu Şevket tasdıqladı. O, babasınıñ cenazesi avgust 7-sinde olacağını bildirdi. Qırım.Aqiqatqa malüm olğanı kibi, ali Hamzin insultten vefat etti.
Ali Hamzin - qırımtatar Milliy Meclisiniñ azası, Bütündünya qırımtatar kongressiniñ azası.
Daa evel Qırımda 76 yaşındaki qırımtatar milliy areketiniñ veteranı, Qurultay delegatı, qırımtatar Milliy Meclis azası Mamedi Çobanov vefat etkeni bildirildi.
