Link açıqlığı

Saatnıñ esas haberi

Aqmescitte Qırım qarayları bereket bayramını qutladı (+süret)


Aqmescitte qaraylarnıñ bayramı
Aqmescitte qaraylarnıñ bayramı

Qırım qaraylarınıñ Oraq Toyu küz bayramını Aqmescitte oktâbr 19-ında qutladılar.

Qırım.Aqiqat mühbiri bildirgeni kibi, bayramnı Eski şeerde, Karaimskaya soqağındaki restavratsiyada olğan eski qaray ibadethanesi - kenassa azbarında keçirdiler.

Merasimde Aqmescit (Simferopol), Yevpatoriya (Kezlev), Bağçasaray, Kefe (Feodosiya) ve Yalta şeerleriniñ qaraylar cemiyetiniñ vekilleri, bundan ğayrı Qırım milliy-medeniy ve cemiyet teşkilâtlarınıñ hadimleri iştirak etti.

Bayramda milliy yemeklerniñ aşaldı, hatıralıq suvenirlerniñ berildi, yerli Qırım qaraylarınıñ Aqmescitteki "Qrımqaraylar" milliy-medeniy muhtariyeti azalarınıñ mükâfatlandırıldı. Bundan ğayrı kontsert ve Oraq Toyu bayramına bağışlanğan başqa merasimler keçirildi.

Asıl biz böyle milliy bayramlarnı Çufut Qalede keçiremiz. Amma oña yol bozuq ve avtobus aydavcıları anda barmağa istemey. Bizim esli-başlılarımızğa ise cayav köterilmege qıyın. Onıñ içün cemiyetimiz Aqmescitte, kenassa azbarında toplana", - aytıp berdi Qırım qaraylarınıñ yerli milliy-medeniy muhtariyetinin reisi Natalya Kropotova Qırım.Aqiqatqa.

XS
SM
MD
LG