Aqmescitte Rusiye prezidenti Vladimir Putinnen olğan divar resmine qırmızı boya tökkenler. Bunı "Krım 24" Rusiye devlet telekanalı ve yerli telegram kanalları haber ete.
"Krım operativnıy" televizion kanalı Putin ile olğan divar resimi Aqmescitte "Ukraina" musafirhanesi binasınıñ fasadında olğanını bildirdi.
"Krım 24" telekanalı Rusiye polisi Putin ile olğan divar resimine boya tökülgen yerniñ kamera yazılarını alğanını haber etti.
Sentâbrniñ 16-nda Aqmescitte "mahsus arbiy operatsiyanıñ" iştirakçisi olğan rusiye arbiyi resimli "vatanperver" divar resmine qırmızı boya töktiler. Bunı Aqmescitniñ rusiye memuriyeti ve haber vastaları haber ete.
İşğal etilgen Qırım ve Aqyarda Rusiyeniñ Ukrayinağa istilâsına qarşı çıqqanlar taqip etilmege devam eteler. Fevralniñ 24-nden 107 qırımlı "rusiye ordusını itibardan tüşürüv" davalarınıñ mabüsleri oldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
