Aqmescitte fevralniñ 20-nde plastik zavodı yana. Al-azırda alev 700 metre kâreni qavrap aldı. Bu aqta adise şaatları içtimaiy ağlarda ve yerli kütleviy haber vastalarında haber ete.
«Krımskaya gazeta» haber etkenine köre, yanğın yerinde Qırımdaki Rusiye Fevqulâde vaziyetler nazirligi idaresiniñ hadimleri çalışa. Mütehassıslar binanı elektriksiz qaldırdı. Anbar boş çıqtı.
Fevralniñ 5-nde Kezlevde çoq daireli evde çıqqan yanğında bir kişi elâk oldı, qurtarıcılar 17 sakinni, şu cümleden bir balanı, tahliye etti.
Qırımdaki Rusiye Fevqulâde vaziyetler nazirliginiñ resmiy malümatı daa yoq.
Daa evel haber etilgeni kibi, Qırımda keçken afta yanğınlar neticesinde 4 insan öldi.
