İyülniñ 31-nde aqşam Rusiye Telegram kanalları Aqmescitte patlav sesleri aqqında haber etti. Olarnıñ malümatına köre, eñ az yedi patlav oldı.
Patlavlar şeerniñ merkeziy qısmında eşitilgen. Bu malümatnı «Suspilne» neşiri yerli sakinniñ malümatına esaslanıp tasdıqlay.
Telegram kanalları ava mudafaa sisteması çalışa, dep bildire – dronlarnıñ ücümini keri qaytara. Qırımnıñ Rusiye yolbaşçısınıñ mesleatçsı Oleg Krüçkov malümatnı «Ukrayına haberi» dep adlandırdı.
Muarririyet malümatnı tez tasdıqlap olamay.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
