Aqmescitte dekabrniñ 21-nde patlavlar eşitile, dep haber ete yerli Telegram kanallar ve «Vkontakte» içtimaiy ağındaki saifeler.
«Aqmescitte patlavlarmı? Maryinoda pencereler sarsına. Şimdi bir-biri artından eki patlav oldı. Kim eşitti?», – dep yazdı «ÇP/Simferopol».
«VKontakte» içtimaiy ağınıñ qullanıcıları Aqmescitteki patlavlar aqqında «Aqmescitniñ qara cedveli» gruppasında bildirdi. Bazıları Rusiye arbiyleri talimler keçire, dep yaza.
Qırım ve Aqmescitniñ Rusiye akimiyeti içtimaiy ağlardaki malümatnı izaatlamadı.
Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
