Aqmescitte noyabrniñ 15-nde patlavlar eşitile, dep haber ete yerli saifeler, hususan birinciden bu aqta «ÇP/Simferopol» Telegram kanalı yazdı.
Bu malümatqa köre, Aqmescitniñ Maryino taraflarında 5-ten 10-ğa qadar patlav sesi eşitildi. «Aqmescitte pamuqlar devam ete», dep haber etile.
«ÇP/Simferopol» patlav sesleri Rusiye arbiyleriniñ Anğaradaki (Perevalnoye) talimlerinen bağlı ola bile, dep tahmin ete.
Rusiye akimiyeti bu malümatnı şimdilik izaatlamay.
Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
