Aqmescitte Ulu Vatan cenkinde Ğаlebeniñ 69 yıllığına bağışlanğan arbiy yürüşte 10 biñden ziyade insan iştirak etti.
Yürüşke başlamazdan evel iştirakçiler Qırım Cumhuriyetiniñ Devlet Şurası olaraq adlanğan binasınıñ yanında miting olıp keçti. Onıñ devamında kelgenlerniñ ögünde Devlet Şurasınıñ öz başına tayin etilgen reisi Vladimir Konstantinov çıqışta bulundı, dep haber ete Qırım.Aqiqat mühbiri.
«Epimiz bu bayramnı közyaş ile qarşılaymız. Ukraina cenübiy-şarqında yüz bergen adiseler natsizm ile küreşniñ yekünlemegenini köstere. Bugün vatandaşlarımız elâk ola. Amma bizge Qırımda ğururlanmağa da sebep bar. Qırımlılarnıñ cesareti ile biz cumhuriyetimizniñ sıñırında faşistlerni toqtatıp oldıq», – qayd etti Konstantinov.
Resmiy şahıslarnıñ çıqışlarından soñ parlament spikerine «Qırımnıñ azat etüvi» içün nişannı, Qırımnıñ veteran teşkilâtlarına ise maşinalardan anahtarlarnı taqdim ettiler.
Soñra toplanğanlar Gagarin bahçasına yol aldılar. Kolonnanıñ başında öz başına ilân etilgen cumhuriyetiniñ birinci şahısları: Konstantinov, resmiy Kiyev tarafından tanılmağan baş nazir Sergey Aksönov ve onıñ birinci muavini Rustam Temirgaliyev, Ulu Vatan cenkiniñ veteranları kete edi. Olarnı Qırımnıñ halq ordusınıñ vekilleri, baykerler, ve «Yedinaya Rossiya», «Rodina», «Patriotı Rossii», Kompartiya ve diger siyasiy firqalarnıñ vekilleri ozğara edi.
Bundan da ğayrı, yürüşte «Ölmez polk» iştirak etti. Onıñ iştirakçileri qollarında cenkte elâk olğan tuvğanlarnıñ süretlerini tutmaqta edi.
Parad iştirakçileriniñ çoqusı Rusiye, Qırım bayraqlarını, «Yedinaya Rossiya» firqasınıñ aktivistleri Rusiye prezidenti Vladimir Putin ve baş naziri Dmitriy Medvedevniñ süretlerini tuta edi. Bundan da ğayrı paradta Stalinniñ büyük portreti bar edi.
Gagarin bağçasında matem tedbiri olıp keçti ve elâk olğanlarnıñ hatırasını sükünet daqiqası ile añdılar. Bundan soñ Rusiye ve «Qırım Cumhuriyetiniñ» gimni yanğıradı. Soñra kelgenler Ebediy ateşke gülçemberlerni qoydılar.
Mında veteranlar içün asker botqası ile tarla aşhanesini teşkil ettiler.
Yürüşke başlamazdan evel iştirakçiler Qırım Cumhuriyetiniñ Devlet Şurası olaraq adlanğan binasınıñ yanında miting olıp keçti. Onıñ devamında kelgenlerniñ ögünde Devlet Şurasınıñ öz başına tayin etilgen reisi Vladimir Konstantinov çıqışta bulundı, dep haber ete Qırım.Aqiqat mühbiri.
«Epimiz bu bayramnı közyaş ile qarşılaymız. Ukraina cenübiy-şarqında yüz bergen adiseler natsizm ile küreşniñ yekünlemegenini köstere. Bugün vatandaşlarımız elâk ola. Amma bizge Qırımda ğururlanmağa da sebep bar. Qırımlılarnıñ cesareti ile biz cumhuriyetimizniñ sıñırında faşistlerni toqtatıp oldıq», – qayd etti Konstantinov.
Resmiy şahıslarnıñ çıqışlarından soñ parlament spikerine «Qırımnıñ azat etüvi» içün nişannı, Qırımnıñ veteran teşkilâtlarına ise maşinalardan anahtarlarnı taqdim ettiler.
Soñra toplanğanlar Gagarin bahçasına yol aldılar. Kolonnanıñ başında öz başına ilân etilgen cumhuriyetiniñ birinci şahısları: Konstantinov, resmiy Kiyev tarafından tanılmağan baş nazir Sergey Aksönov ve onıñ birinci muavini Rustam Temirgaliyev, Ulu Vatan cenkiniñ veteranları kete edi. Olarnı Qırımnıñ halq ordusınıñ vekilleri, baykerler, ve «Yedinaya Rossiya», «Rodina», «Patriotı Rossii», Kompartiya ve diger siyasiy firqalarnıñ vekilleri ozğara edi.
Bundan da ğayrı, yürüşte «Ölmez polk» iştirak etti. Onıñ iştirakçileri qollarında cenkte elâk olğan tuvğanlarnıñ süretlerini tutmaqta edi.
Parad iştirakçileriniñ çoqusı Rusiye, Qırım bayraqlarını, «Yedinaya Rossiya» firqasınıñ aktivistleri Rusiye prezidenti Vladimir Putin ve baş naziri Dmitriy Medvedevniñ süretlerini tuta edi. Bundan da ğayrı paradta Stalinniñ büyük portreti bar edi.
Gagarin bağçasında matem tedbiri olıp keçti ve elâk olğanlarnıñ hatırasını sükünet daqiqası ile añdılar. Bundan soñ Rusiye ve «Qırım Cumhuriyetiniñ» gimni yanğıradı. Soñra kelgenler Ebediy ateşke gülçemberlerni qoydılar.
Mında veteranlar içün asker botqası ile tarla aşhanesini teşkil ettiler.
