İşğal etilgen Aqmescitte Rusiye akimiyeti tarafından «milliyleştirilgen» Qırımtatar Milliy Meclisiniñ binasınıñ tamir müddetleri ekinci kere qaçırıldı. Bu aqta Qırım.Aqiqat mühbiri bildirdi.
Rusiye şeer memuriyetiniñ yılnıñ soñuna qadar tamir işlerini bitirmek vadelerine baqmadan, Meclis binası alâ daa tamir etile.
#LiberateCrimea halqara vatandaş kampaniyasınıñ qırımlı faalleri Qırım.Aqiqatqa izaat berip, Qırımda müddetlerni keçüv tış hızmetçiler içün adiy şey ola.
«Başta iş 2024 senesi iyülniñ 31-ne qadar bitecek edi. Soñra yıl soñuna qaldırdılar. Lâkin kapital tamir daa bitmegen. İşğal etilgen Qırımda tış hızmetçilerniñ işni bitirüv müddetlerine riayet etmegeni çoq qayd etile. Eñ parlaq örnek – Aqmescitte balaban ve bitmegen qoqla teatriniñ tamiri, oña o qadar para ayırıldı. Bütün bular tış hızmetçilerni saylağanda tanışlar ve qabarcılıqnen bağlı», – dep izaatladı vaziyetni faaller.
Rusiye akimiyeti Meclis binasını Alemdar Karamanov 2-nci Aqmescit bala muzıka mektebine berdi.
Qırımtatar halqı Meclisiniñ başı Refat Çubarov Aqmescitteki Meclis binasını 2014 seneniñ sentâbr ayında Rusiye havfsızlıq küçleri zapt ettiler, dep bildirdi. O vaqıttan berli ev elge keçirildi ve saibi içün irişmek mümkün degil. O qayd etti ki, Qırımnıñ Rusiye akimiyeti hayriye teşkilâtınıñ Avropa İnsan Aqları Mahkemesine yollanılğan binanıñ qanunsız tartıp alınğanı içün iddiasını toqtatmadı.
Qırımtatar Milliy Meclisiniñ reisi Refat Çubarov Aqmescitteki Meclis binası 2014 senesi sentâbr ayında Rusiye uquq qoruyıcıları tarafından zapt etildi, dep bildirdi. O vaqıttan berli bina tevqif etilgen ve saibi içün qapalı edi. Onıñ qayd etkenine köre, Qırımnıñ Rusiye akimiyetini hayriye teşkilâtınıñ binanıñ qanunsız çekip alınğanına dair Avropa İnsan aqları mahkemesine yollağan davası toqtatmadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
