Link açıqlığı

Aqmescitte Medvedevniñ ziyareti musafirhane ve naqliy buhranına sebepçi oldı – matbuat vastaları


Rusiye baş naziri Dmıtro Medvedev ve onıñ hadimleri Aqmescit musafirhanelerinde boş yer qaldırmadı. Böyle buhran eki kün devam etecek. Aynı eki kün Rusiye akimiyeti Qırımda bulunmağa planlaştıra, dep yaza «AN-Krım».

Neşirniñ malümatına köre, Aqmescitniñ esas ve eñ oñaytlı musafirhanelerde yer yoq. Em de tek lüks nomerleri aqqında söz yürsetilmey. Asılında yer yoq. Öz musafirleriniñ sırını musafirhaneleriniñ administratsiyaları açmay. İzaatlarnı bermeyler, internete olğan telefonlarnı kimse almay.

Faqat, Moskva jurnalistlerinden biri aytqanına köre, oña mart 31 ve aprel 1 künlerine sımaralanğan nomerni bermeyip, musafirhane hadimleri öz areketini: «Medvedev keldi» dep izaatladılar.

«Qırımdaki musafirhane buhranına naqliy buhranı da qoşuldı: Medvedevniñ avtomobil kolonnası yüz metrlerge uzandı, bütün yollaqardan kete edi, yol areketini kolonnanıñ kelmesinden 10 daqiqa evel toqtata ediler», – yazıla neşirde.

Rusiye baş naziri Aqmescitke rusiye akimiyetiniñ çıqış toplaşuvına tünevin keldi. Onıñnen beraber Moskvadan muvainleri ile bir sıra nazirleri de kеldi.
XS
SM
MD
LG