Aqmescitte mahkeme «Avdet» qırımtatar gazetiniñ baş muarririne para cezasını berdi

17 sentâbr 2021, 13:10

«Avdet» qırımtatar gazetiniñ baş muarriri Şevket Kaybullayevge sentâbrniñ 4-nde Aqmescitte FSB binası ögünde kütleviy tutulmalardan soñ 5 biñ ruble parası cezası berildi.

Muvafıq qararnı sentâbrniñ 17-nde Rusiyeniñ nezaretinde olğan Aqmescitniñ Kiyev rayon mahkemesi çıqardı, dep haber ete Qırım.Aqiqat mühbiri.

Onıñ malümatına köre, dava baqılğanda qadı Vera Serikova mudafaa taarfınıñ protokolnı tizgen şahısnıñ ve mudafaa tarafınıñ şaatı İbraim Çegertmanıñ sorğuğa çekilmesi ve prokurornıñ iştirak etmesi aqqındı muracaatlarını red etken.

Qırımda FSB binası ögünde insanlar tutuldı: neler oldı (+foto)

<p>Aqmescitniñ Franko soqağındaki FSB binasına kelgen insanlarnı OMON hadimleri tuttı</p> — 1/20
Aqmescitniñ Franko soqağındaki FSB binasına kelgen insanlarnı OMON hadimleri tuttı

<p>«Qırım birdemliginiñ» malümatına köre, 40 insan tutuldı</p> — 3/20
«Qırım birdemliginiñ» malümatına köre, 40 insan tutuldı

4/20 FSB binasına kelgen insanlar Qırımda tintüvler vaqtında esir etilgen tuvğanları aqqında malümat alacaq edi. Bu aqta advokat Emil Kurbedinov bildirdi

5/20 Qırımtatar faalleriniñ malümatına köre, quvetçiler qaba küç qullandı

6/20 Advokat Kurbedinovnıñ fikirince, Rusiye quvetçileri tutıp esir etilgen insanlar aqqında kerçek bilmege istegenlerni qorquzacaq ola

7/20 Qırımtatar faalleriniñ malümatına köre, 20 kişi Pavlenko, 1 soqağındaki polis bölügine ketirildi

8/20 Pavlenko, 1 soqağına ketirilgen 20 insan arasında esli-başlı insanlar ve qadınlar bar

<p>«Qırım birdemliginiñ» eki vatandaş jurnalisti ve «Grani.ru» internet neşiriniñ mühbirleri Ayder Kadırov ve Nuri Abduraşitov tutuldı</p> — 9/20
«Qırım birdemliginiñ» eki vatandaş jurnalisti ve «Grani.ru» internet neşiriniñ mühbirleri Ayder Kadırov ve Nuri Abduraşitov tutuldı

<p>Tutulğanlardan biri «acele yardımğa» muhtac, dep bildirdi Kurbedinov</p> — 11/20
Tutulğanlardan biri «acele yardımğa» muhtac, dep bildirdi Kurbedinov

13/20 FSB binası ögünde tutulğanlar bulunğan polis bölügine advokat Nazim Şeyhmambetov kirsetildi

20/20 Sentâbrniñ 3-4-nde qırımtatarlarnıñ evlerinde keçirilgen tintüvler neticesinde 5 qırımtatarı tutulıp, belli olmağan yerge alıp ketildi. Eldar Odamanov, Nariman Celâl, Aziz Ahtemov, Asan Ahtemov ve Şevket Useinov.

Rusiye kontrolindeki Aqmescitniñ Kiyev rayon mahkemesiniñ qadısı Mihail Belousov sentâbrniñ 16-nda Qırımtatar Milliy Qurultayınıñ Merkeziy saylav komissiyasınıñ yolbaşçısı, faal Zair Smedlânı «yüksek seviyeli azırlıq rejiminiñ sıñırlavlarını bozğanında» qabaatlap, oña azamiy ceza berdi – 30 biñ ruble para cezası. Faal sentâbrniñ 4-nde Aqmescitteki Rusiye FSBsiniñ binası ögünde tutulğanlar arasında edi, dep bildire Qırım.Aqiqat mühbiri.

Rusiye polisi sentâbrniñ 4-nde Rusiye FSBsiniñ binası ögünde tutulğan qırımtatarlarğa qarşı 58 memuriy protokol tizdi.

Sentâbrniñ 3-4-nde Qırımda Rusiye quvetçileri tintüvler keçirip, beş insannı tuttı. Aralarında qırımtatar siyasetçisi ve faali Nariman Celâl bar. FSB malümatına köre, qırımtatarlar «bu yıl avgustnıñ 23-nde Qırımdaki gaz borusında diversiya yapqanları şübhesinen tutuldı. Rusiye müessisesi, tutulğanlar qabaatını itiraf etti, dep bildirdi». Bu malümatqa köre, «FSB tarqatqan sorğu videosında eki erkek kimden talimat alğanını ve Anğara köyünde gaz borusını nasıl patlatqanlarını tafsilâtlâca tarif etti».

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Link açıqlığı

Qoşulıñız!

Aqmescitte mahkeme «Avdet» qırımtatar gazetiniñ baş muarririne para cezasını berdi

Qırımda FSB binası ögünde insanlar tutuldı: neler oldı (+foto)