Aqmescitte koronavirus hastası elâk oldı. Bunı Qırım Sağlıq nazirligi bildire.
"Aqmescitniñ 7-nci şeer hastahanesinde COVIDnen bağlı olmağan keskin miy qan dönüminiñ bozulması ile ağır alda reanimatsiyada olğan hasta vefat etti", - yaza Qırım sağlı naziriniñ müavini Anton Lâskovskiyge atıf etip "Krıminform" matbuatı.
Umumen, akimiyetniñ malümatına köre, COVID-19-dan 25 adam vefat etti.
Daa evel, Qırımda tünevin yedi yañı koronavirus adisesi qayd etilgeni bildirildi.
Akimiyetniñ malümatına köre, umumen Qırımda şimdilik 638 COVID-19 adisesi qayd etildi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
