Aqmescit sakinleri şeerniñ üzerinde kökte ava mudafaası sistemasınıñ işinden qalğan izge beñzegen beyaz tüslü tuman bulutı aqqında haber eteler. Bunı muvafıq resimlerni yayınlağan yerli telegram kanalları bildire.
Kökte beyaz iznen resimlerni "ÇP Simferopol" ve "ÇP Sevastopol" telegram kanalları yayınladı. "Krımskiy veter" telegram kanalı ise patlav sesleri aqqında haber etti.
Aqmescitniñ işğal başlıqlarınıñ ya da RF arbiyleriniñ bunıñ aqqında resmiy izaatları yoq. Qırım.Aqiqat malümatnı ögrene.
Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
