Aqmescitte iyünniñ 7-nde aqşam kene sağanaq yağdı. Yağmur yarım saat yağdı, şeer merkezindeki yollarnı suv bastı, dep bildire Qırım.Aqiqat mühbiri.
Saba Aqmescitte yağğan sağanaq neticesinde yollarda tıqanıqlıqlar peyda oldı.
Azbar ve duraqlarda insanlar burçaqtan qorqıp, maşinalarını örtülernen ve yorğanlarnen qapata edi.
«Krımenergo» malümatına köre, Aqmescit rayonınıñ bir qısmı yaramay ava neticesinde elektriksiz qaldı.
İyünniñ 7-nde Aqyarda küçlü yağmur yağdı. Şeerniñ çeşit rayonları ve soqaqlarını, şu cümleden Kazaçya buhta ve Aqyar avtovokzalını suv bastı. Aqyarnıñ şeer hızmetleri ve qurtarıcıları sağanaq aqibetlerinden sebep quvetleştirilgen rejimde çalışa.
