Aqmescitte iyünniñ 16-nda üyleden soñ boranlı yağmur yağdı, dep bildire Qırım.Aqiqat mühbiri.
40 daqqa içinde şeerniñ alçaq qısmında yollarnı suv bastı.
Kiyevskaya, Mate Zalki, Gurzufskaya, Kötsübinskogo soqaqlarından özenler aqtı7
Naqliyat areketini yavaşlattı, bazı yerlerde tıqanıqlıqlar oldı. Yağmur boruları vazifesini yapamadı, maşinalar teren gölçiklerde areket etti.
Şimdi furtuna bitti, amma yağmur yağmağa devam ete.
Aqmescitniñ Rusiye memuriyeti şeerde yaramay ava olacaq, dep tenbilegen edi: yağanaq, boranlı yağmur, yel süratı saniyede 17-22 metr.
