Aqmescitte telükeli gidrometeorologik adiseler aqqında furtuna havfı ilân etildi, dep bildire şeerniñ rus memuriyeti.
«Dekabrniñ 11-nde Aqmescitte sılaq qarğa keçecek küçlü yağmur yağması beklenile, yer-yer küçlü yağanaqlar beklenile. Şarqiy yel şimaliy-ğarbiy ruzgârğa çevirilip, saniyede 15-20 metr süratınen esecektir», – dep aytıla haberde.
Qırımda bazarertesi künü, dekabrniñ 10-nda, küçlü yağmur yağması ve ruzgâr esmesi beklenile. Bu aqta yarımadanıñ gidrometmerkezi bildire. Aqmescitte ara-sıra bulutlı ava olacaq. Yağmur yağması aqqında tenbiyeleyler. Cenübiy-şarqiy yel saniyede 7-12 metr süratınen esecektir. Kündüz ava arareti 7 dereceden 9 derecege qadar köterilecek.
