Aqmescitte faal, "Qırım kazaklığı" teşkilâtınıñ atamanı Sergey Akimov suv vaziyeti sebebinden Qırım parlamenti yanında bir kişilik oiket yaptı. Bunı o Qırım.Aqiqatqa bildirdi.
Akimov ellerinde: "Mavı çapçaq - meseleniñ çezilmesi degildir. Suv beriñiz", "Devlet şurasını - istifağa! Qırımğa kanalda suv kerek, kresloda Konstantinov degil kerek" yazılarını tuta edi.
Faal, soñki altı yıl içinde Qırımnıñ rusiyeli akimiyeti "eñ esasını - suv keçirmekni unuttı".
Qırım Rusiye akimiyetinden Akimovnıñ bir kişilik piketine cevabı yoq.
Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.
Qırımdaki suv yedekleri suv anbarları ve yerastı çoqraqlardan toldurıla. Ekologlarnıñ aytqanına köre, yerastı çoqraqlarnıñ muntazam sürette qullanılması yarımadada topraqnı tuzlattı. Qırım akimiyeti yarımada sakinlerini suvnı az qullanmağa çağıra.
