Çuqurça mikrorayonınıñ camisinde olğan nezaret kameraları binanı yaqmağa areket etken belgisiz şahısnı qayd etti.
Qırım.Aqiqat haber etkeni kibi, cuma künü, iyün 13-de, musulmanlar muqaddes gecelerinden biri olğan Beraat geceni qarşılağanda, belgisiz şahıslar Aqmescitniñ Çuqurça mikrorayonında yerlekşen camige «Molotov qarışma»larını atıp, onı yaqmağa tırıştılar.
Bunı caminiñ imamı Muhammed İslâmov bildirdi. İmamnıñ sözlerine köre, kamera yazılarından körüne ki, saba saat 5-te camige açıq tüsteki urbağa kiyingen, qara qolçaqları ve başlığı olğan belgisiz şahıs keldi. Yüzü körünmey edi.
«Onıñ areketlerinden körüne ki, insan azırlanıp keldi. O, ustalıqnen «Molotov qarışmalarını» yaqtı, camige üç aletni atıp, qaçıp ketti», - dedi imam.
Qırım musulmanları diniy idaresiniñ matbuat hızmeti şunı da bildirdi ki, vandallar cami etrafındaki qoruğa faşist svastiskanıñ resimini qaldırğan eken.
Qırım «İçki işler nazirliginde» Qırım.Aqiqatqa bu malümatnı tasdiqladılar ve uquq qorçalayıcı organlarına bunı cami imamı aytqanını qayd ettiler.
Qırım «İçki işler nazirligi»niñ matbuat hızmeti bergen malümatına köre, yerli insanlar alevni, fevqulâde vaziyetler boyunca nazirliginiñ hadimlerini çağırmayıp, söndürdiler. Ateş yalıñız eki pencerege zarar ketirdi.
«Adise kerçekten de yüz berdi ve endi qayd etildi. Bugün saba caminiñ eki penceresi yandı. Anda içki işler nazirliginiñ yolbaşçılığı, prokuratura, fevqulâde vaziyetler boyunca nazirliginiñ, taqiqat hızmetiniñ vekilleri yol aldı. Şimdi teşkerüv keçmekte, sakinler soraştırıla. Maddiy deliller topalınla», – dediler matbuat hızmette.
Bu vaqia boyunca cinaiy iş açıldı.
Hatırlatamız, 1998 senesi cinayetçiler camide pencerelerni qırğan ediler, 2004 senesi cami divarları ve minaresine pis sözler yazılğan edi. Keçken sene aynı şu camiden belgisiz şahıslar kameranı hırsızladılar.
«Çuqurça camisi» yerli qırımtatar ealiniñ parasına ve Meclisniñ qol tutuvı ile qurulğan ve 1998 senesi avgust 26 künü açılğan edi. Mında er afta cuma namazına 300 insan kele.
Qırım.Aqiqat haber etkeni kibi, cuma künü, iyün 13-de, musulmanlar muqaddes gecelerinden biri olğan Beraat geceni qarşılağanda, belgisiz şahıslar Aqmescitniñ Çuqurça mikrorayonında yerlekşen camige «Molotov qarışma»larını atıp, onı yaqmağa tırıştılar.
Bunı caminiñ imamı Muhammed İslâmov bildirdi. İmamnıñ sözlerine köre, kamera yazılarından körüne ki, saba saat 5-te camige açıq tüsteki urbağa kiyingen, qara qolçaqları ve başlığı olğan belgisiz şahıs keldi. Yüzü körünmey edi.
«Onıñ areketlerinden körüne ki, insan azırlanıp keldi. O, ustalıqnen «Molotov qarışmalarını» yaqtı, camige üç aletni atıp, qaçıp ketti», - dedi imam.
Qırım musulmanları diniy idaresiniñ matbuat hızmeti şunı da bildirdi ki, vandallar cami etrafındaki qoruğa faşist svastiskanıñ resimini qaldırğan eken.
Qırım «İçki işler nazirliginde» Qırım.Aqiqatqa bu malümatnı tasdiqladılar ve uquq qorçalayıcı organlarına bunı cami imamı aytqanını qayd ettiler.
Qırım «İçki işler nazirligi»niñ matbuat hızmeti bergen malümatına köre, yerli insanlar alevni, fevqulâde vaziyetler boyunca nazirliginiñ hadimlerini çağırmayıp, söndürdiler. Ateş yalıñız eki pencerege zarar ketirdi.
«Adise kerçekten de yüz berdi ve endi qayd etildi. Bugün saba caminiñ eki penceresi yandı. Anda içki işler nazirliginiñ yolbaşçılığı, prokuratura, fevqulâde vaziyetler boyunca nazirliginiñ, taqiqat hızmetiniñ vekilleri yol aldı. Şimdi teşkerüv keçmekte, sakinler soraştırıla. Maddiy deliller topalınla», – dediler matbuat hızmette.
Bu vaqia boyunca cinaiy iş açıldı.
Hatırlatamız, 1998 senesi cinayetçiler camide pencerelerni qırğan ediler, 2004 senesi cami divarları ve minaresine pis sözler yazılğan edi. Keçken sene aynı şu camiden belgisiz şahıslar kameranı hırsızladılar.
«Çuqurça camisi» yerli qırımtatar ealiniñ parasına ve Meclisniñ qol tutuvı ile qurulğan ve 1998 senesi avgust 26 künü açılğan edi. Mında er afta cuma namazına 300 insan kele.
