Link açıqlığı

Saatnıñ esas haberi

Aqmescitte BTR ve «Gradlar» kolonnası keçti (+foto)


Rusiye arbiy tehnikasınıñ Aqmescitte areket etüvi, 2019 senesi aprelniñ 30-ı
Rusiye arbiy tehnikasınıñ Aqmescitte areket etüvi, 2019 senesi aprelniñ 30-ı

Aqmescitte aprelniñ 30-nda saba arbiy tehnikanıñ büyük kolonnası keçti, dep bildire Qırım.Aqiqat mühbiri.

Eñ azından 15 zırhlı taşıyıcı, 5 «Grad» ateş maşinası, 5-er çeşit kalibrli topçı silâ, bir qaç uçaqquvar-raketa kompleksi, hususan C-300 qayd etildi.

Tehnikanıñ yeri mayısnıñ 9-nda olacaq parad içün deñiştirile bile.

Rusiye arbiyleri mayısnıñ 9-nda Qırımnıñ şeerlerinde Ekinci cian cenkiniñ bitmesini qayd etip, bu munasebeten paradlar keçirecek. Tedbirlerde beş biñge yaqın Rusiye arbiyi ve 100 daneden ziyade tehnika iştirak etecek, dep bildire Rusiye Qara deñiz flotunıñ matbuat hızmeti.

2018 senesi mayısnıñ 9-nda Aqmescit, Aqyar ve Keriçte arbiy paradlar ve «Bessmertnıy polk» («Ebediy polk») aktsiyası keçirilgen edi.

Rusiye işğal etken Qırımda 2014 senesinden soñ «Zafer künü» sovet ve Rusiye bayramı Qızıl Ordu ve sovet halqınıñ natsist Almaniyanı yeñgen bayramı olaraq qayd etilmekte. Ukrainada mayısnıñ 8-nde Hatıra ve barışıq künü olaraq qayd etilmekte, mayısnıñ 9-nda Ekinci cian cenkinde natsizmni yeñüv künü.

XS
SM
MD
LG