Aqmescitte qırımtatarlar toplu yaşağan Aq-Meçet rayonında birinci qırımtatar kitap yarmalığı olıp keçti. Bu aqta Qırım.Aqiqat mühbiri bildire.
Haber etilgenine köre, tedbir «Yeşil Ada» banket salonında keçirildi. 10-ğa yaqın şahsiy neşriyat bediiy ve bala edebiyatını taqdim etti.
Yarmalıq çerçivesinde yazıcılarnen körüşüv oldı, imza tedbiri keçirildi, artistler çıqışta bulundı, kenceler içün ise eglenceler teşkil etildi.
Tedbir teşkilâtçıları – «Nenkecan» qadın-qızlar mecmuası, Qaradeniz Production studiyası ve «Yeşil ada» banket salonı. Yarmalıqnıñ teşkil etilmesinde Qırımnıñ Rusiye akimiyeti iştirak etmedi.
