Qırımda Rusiye quvetçileri Ukrayinağa destek bildirgen Dmitriy Tolstenkonı yaqaladı. Tolstenko Rusiyeniñ nezareti astında olğan Qırım Federal Universitetiniñ esasında teşkil etilgen Vernadskiy adına Tavriya Milliy Universitetiniñ donetstidir. Bunıñ aqqında müellifi Rusiyeni destelegen bloger Aleksandr Talipov olğan "Krımskiy SMERŞ" telegram kanalında haber etile.
Haber etilgeni kibi, Tolstenko öz içtimaiy ağlarında Ukrayina timsallerini ve USQ destegine videolar paylaşqan. Taliponıñ sözlerine köre, quvetçiler dontsentke qarşı eki protokol tizgenler.
Tolstenko 2002 senesinden başlap Vernadskiy adına Tavriya Milliy Universitetinde uzviy ve yaatiyat himiya kafedrasında çalışqan.
Rusiyede ve işğal etilgen topraqlarda Ukrayinanı desteklegen faallerniñ taqip etilmesi devam ete. Rusiyege qoltutqan bloger Aleksandr Talipov Telegram kanalında Ukrayina tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını "itibardan tüşürgeninde" qabaatlanıp, memuriy ve cinaiy mesüliyetke çekile. Ukrayina prokuraturası Talipovğa qarşı "milletlerara nefret doğuruv" maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
